డాక్టర్ బాలకృష్ణయ్య అన్న పేరులోనే ఏదో మహత్తు ఉందనిపిస్తుంది. ఆయనతో నా పెళ్లి జరిగింది 1950లో. అప్పుడాయన మెడిసిన్ రెండో సంవత్సరం పరీక్షలు రాశాడనుకుంటా. కానీ అప్పటికే ఆయన స్వాతంత్య్ర సమరయోధుడిగా యువనేతగా చాలా పేరున్నవారు. నేను నలుగురన్నల ముద్దు చెల్లిగా కట్టుబాట్లలో పెరిగినా బాలకృష్ణ జీవితంలోకి ప్రవేశించిన తరువాతనే ప్రజల గురించి తెలుసుకోవడం ప్రారంభించాను. కుటుంబం కన్నా ఆయన ప్రజలను ముఖ్యంగా పేద రోగులకు సేవ చేయాలనే తపనలోనే ఉండేవారు. వనపర్తి పట్టణ సర్పంచుగా, మున్సిపల్ చైర్మన్ గా, శాసనసభ్యుడుగా ఆయన 50 ఏళ్లపాటు ప్రజాసేవలో తన జీవితాన్ని పునీతం చేసుకున్న మనిషి.